Gipangunahan sa Philippine Drug Enforcement Agency (PDEA) 12 ang buy-bust operation nga gipahigayon sa Purok 6, Barangay Katubao, Kiamba, Sarangani Province kaniadtong nakalabayng adlaw, Agosto 3 ala 1:20 sa hapon. Sumala pa nga malampuson usab nga na-dismantle ang notorious drug den sa nahisgutang lugar.
Ang joint operation ang gilangkuban sa PDEA SARGEN Provincial Office, PNP Kiamba MPS, PNP STTA RID‑12, Philippine Coast Guard Intelligence (Southern Mindanao Team), ug Philippine Navy NISU‑71 & NISG‑EM.
Narekober sa mga operatiba ang approximately 10.3 grams sa suspected shabu ug ang assorted paraphernalia lakip ang lighters, bamboo heat‑sealer, aluminum foil strips, ug ang buy-bust money.
Samtang lima (5) ka indibidwal ang na-arresto nga matod pa mao ang den maintainer, 2 ka den employees, nga residente sa Brgy. Katubao, Kiamba, Sarangani; ug lain pang 2 ka den visitors, nga residente sa Kiamba, Davao Occidental.
Dugang pa nga ang mga suspek nga silang alias Justiniano ug alias Jenodin ang kanhi nang na-aresto sa kasong RA 9165 nga matod pa den maintainers nga iladong mga notorious pushers sa area ug kasamtangan nga at-large.
Sa karun gikustodiya ang mga nadakpan sa PDEA RO12 Custodial Facility ug ginahikay na ang kasong violation of Article II of RA 9165 batok sa mga suspek.
