Patay ang usa ka motorista human nalambigit sa aksidente kaganihang 01:30 sa kadlawon ug giila sa kapulisan ang biktima nga si Eugene Bayron Diamona 20 anyos, lalaki, driver sa Suzuki Raider Motorcycle, nga residente sa Emilliana Heights Brgy Calumpang General Santos City.
Samtang ang lain pang nalambigit sa aksidente mao si Tialong Hader Alilaya, 42 anyos, driver sa Rusi Motorcycle with sidecar nga residente sa Purok 7, New Society Brgy Apopong ning syudad.
Base sa imbestigasyon nga gihimo sa mga mirespondeng kapulisan ilang nasayran nga ang trisikad ang nagbiyahe subay sa Yumang Extension gikan sa direksyon sa Olaer padulong sa South Cotabato–Sarangani Road, samtang ang Raider na motorsiklo nagsubay sa South Cotabato–Sarangani Road gikan sa Hadano park padulong sa Apopong roundball sa kusog nga dagan ug nagsul-ob kini og helmet.
Pag-abot ni Alilaya driver sa trisikad sa intersection sa South Cotabato–Sarangani Road, ang Raider nga motorsiklo nag left-turn maneuver.
Pag-abot sa tunga nga bahin sa six lane nga karsada, ilabi na sa atubangan sa Rafols Tires and Service Center, ang tuo nga likod nga bahin sa trisikad ang nabanggaan sa motorsiklo, nga miresulta sa T-Collision.
Tungod sa kusog sa impact, si Diamona nadala sa trisikad sa gibana-bana nga 31 meters gikan sa punto sa impact.
Tungod niini, ang duha ka drayber gidala dayon sa Dr. Jorge P. Royeca Hospital alang sa medikal nga pagtambal.
Apan si Diamona gideklarang patay sa attending physician alas 2:30 sa buntag sa samang petsa tungod sa traumatic brain injury samtang ang drayber sa trisikad nakaangkon og grabe nga mga samad sa ulo ug anaa pa sa hugot nga medikal nga obserbasyon.
Samtang, ang duha ka sakyanan ang naka angkon ug kadaot tungod sa maong aksidente.
Dugang pa, ang tanang nalambigit nga mga sakyanan ug uban pang ebidensya gihuptan ang anaa na karun sa buhatan sa Traffic Enforcement Unit alang sa tukmang disposisyon.
