GENERAL SANTOS CITY – Usa ka patay nga lawas sa lalaki ang nakaplagan nga naglutawlutaw sa dagat sa may bahin sa Gensan Fisport sa Brgy Tambler ning syudad.
Giila ang nasampit nga si Lee Bacalla, 44, minyo, mananagat nga taga Fatima Uhaw ning siudad.
Sa pakighinabi sa ig-agaw niini nga si Jing Dulon, nawala ang biktima alas 5:00 sa hapon niadtong adlaw nga Dominggo human nga naunlod sa dagat.
Bag-ong dunggo anmg biktima og nag-inom sila sa iyang mga kauban sa panagatan nga naka-angkorahe sa Banwalan.
Nakita sa mga nasampit nga nakabuhi ang pakura human nga natangtang sa pagkahigot niini hinungdan nga gisalom.
Tungod kusog ang sulog, mibalik ang duha ka kauban sa daplin apan nagpadayon ang biktima sa pagsalom og nakit-an na lang kini nga nagkawaykaway sa iyang duha ka kamot hangtud nga naunlod og wala na makit-an sa maong adlaw.
Kagahapon lang, alas 4:30 sa hapon dihang nakaplagan ang lawas sa biktima nga naglutaw-lutaw sa Tambler.
Ang patay nga lawas ang anaa na sa punerya og giasikaso na sa pamilya sa haya.
