Gusto ni Manila Rep. Joel Chua nga imbestigahan sa mga ahensya sa gobyerno ang nahimong papel ni kanhi Pangulong Rodrigo Roa Duterte og anak niining si Vice President Sara Duterte sa sulay nga pagsibat sa balaod ni Pastor Apollo Quiboloy, ang lider sa Kingdom of Jesus Christ (KOJC).
Sumala kang Chua ang kanhi Pangulo ang mitindog karong administrador sa KOJC compound kung asa nadakpan si Quiboloy.
Gibutyag ni Chua nga aduna usab pahayag si VP Sara nga wala na sa KOJC compound sa Davao City si Quiboloy nga pwede matod pa nga gituyo nga isulti aron manglimbong.
Gihingusgan ni Chua nga angayang mutabang ang tanan aron madakpan ang mga wanted sa balaod.
Si Quiboloy ang nag-atubang sa kasong child abuse, sexual abuse, og qualified trafficking gawas pa sa mga kasong giatubang niini sa Estados Unidos.
Gihingusgan ni Chua nga walay mulabaw sa balaod bisan pa niadtong mga adunay katungdanan og taas nga posisyon sa nasud.
