Gibalhin na sa Quezon City Jail Male Dormitory sa Payatas si kanhing House Speaker Martin Romualdez.
Miabot ang convoy nga nagdala kang Romualdez gikan sa University of the Philippines o UP-Philippine General Hospital o PGH pasado alas 10:54 sa kagabii Lunes, Setyembre 14.
Miagi si Romualdez sa standard commitment ug booking procedure sa Quezon City Jail nga naglakip sa pagkumpiska sa mga dili awtorisadong gamit, pagkuha sa mugshot, pagsusi sa iyang medical history ug ang pagbutang kaniya sa gitakdang selda.
Ang pagbalhin kang Romualdez sa QC Jail gibase sa mando sa Sandiganbayan nga kinahanglan na siyang ibalhin sa maong pasilidad human nakit-ang “clinically stable” ug dili na kinahanglan ipadayon ang iyang pagpabilin sa ospital.
Gidakop si Romualdez niadtong Setyembre 7 human magpagawas ang Sandiganbayan og warrant of arrest batok kaniya tungod sa P7.4 billion nga plunder case nga gisang-at sa Office of the Ombudsman.
Una siyang na-confine sa Cardinal Santos Medical Center sa wala pa ibalhin sa UP-PGH niadtong Sabado, Setyembre 12 alang sa independent examination.
