GENERAL SANTOS CITY- Aminado si Gensan City Councilor Dominador Lagare Jr. nga mahulog sa lalis tali sa traysikol drayber og pasahero niini ang bahin sa pamasahe dinhi sa dakbayan.
Matud niini, ang pagpatuman sa fare matrix kon taripa sa syudad ang nahisubay sa pag-apruba sa Motorized Tricycle Franchising and Regulatory Board kon MTFRB nga adunay daghang miyembro. Una kini naaprobahan giagi sa makuting pagtuon.
Apan bisan bisan pa niini, dili tanang driver ang uyon sa P15 nga minimum nga pamasahe sa syudad sa 4 ka kilometro nga dagan sa traysikol tungod lugi na sila ilabina nga mahal na sa pagkakaron ang presyo sa produktong petrolyo.
Samtang sa iyang pamahayag nga may pipila nga mga traysikol drivers ang naanad na nga maningil og nanghinobra nga pamasahe nga wala mapitol tungod sa kawad-on usab og taripa sa nakalabay nga mga katuigan.
Apan karong gimando na sa Public Safety Office sa tanang traysikol nga namasada sa syudad nga magbutang og taripa, angayan kining sundon sa mga drivers. Awhag usab niini sa riding in public nga mahimong makatarunganon usab sa paghatag og pamasahe.
Sa mga buot nga magkuha og kopya sa taripa angayang mudangop lamang sa Public Safety Office.
