Usa ka talagsaon nga “mint condition” nga brandes jacket nga gikan pa sa panahon sa (World War II) ang nabaligya sa kantidad nga 55 million Japanese Yen kon anaa sa kapin P20 million nga nagbuhat og bag-ong rekord isip pinakataas nga presyo sa usa ka second-hand denim jacket nga dili memorabilia.
Ang maong jacket, gihimo sa panahon sa gubat diin adunay rasyon sa materyales sa tibuok kalibutan. Tungod niini, limitado ang produksyon ug napuno sa mga talagsaong disenyo nga nagpakita sa pagtipid sa tela.
Usa sa pinakailhan nga bahin niini mao ang “split back” design, diin duha ka piraso sa tela ang gahiun aron maporma ang likod sa jacket. Kasagaran kini makita sa mas dagkong size, o tungod sa limitasyon sa gilapdon sa tela nga magamit sa produksiyon.
Gawas sa aesthetic nga aspeto, ang split-back design giila usab nga adunay dakong historical ug archival value kay nagpakita kini sa mga paagi sa mga manufacturers sa panahon sa gubat aron makapamenos sa paggamit sa materyales. Lakip usab sa mga teknik niadto mao ang donut buttons ug lain-laing pocket fabric sa jeans.
Tungod sa kabililhon niini sa kasaysayan ug fashion, ang maong jacket nahisama na sa usa ka hinungdanong koleksiyon nga butang sa mga vintage denim collectors sa tibuok kalibutan.
