Gihandom ang ika-100 anibersaryo sa pagkatawo sa kanhing Reyna sa United Kingdom nga si Queen Elizabeth II pinaagi sa usa ka espesyal nga tribute nga gipangulohan ni King Charles III kagahapontg adlawa.
Sumala sa taho, ang maong seremonya gihimo aron paghatag og pasidungog sa kinabuhi ug kabilin sa kanhing reyna nga nailhan isip usa sa labing dugay nga nag-alagad sa monarkiya sa Britanya. Gipasiugda sa maong okasyon ang iyang kontribusyon sa Commonwealth ug ang iyang dakong impluwensya sa kalibutanong kasaysayan.
Mitambong usab ang pipila ka miyembro sa royal family, mga opisyal, ug imbitadong bisita nga mipakita og respeto ug pasidungog sa iyang mga nahimo para sa United Kingdom ug sa tibuok kalibutan.
Sa mensahe ni King Charles III, iyang gipadayag ang kahinungdanon sa pagpadayon sa mga prinsipyo ug kabilin sa iyang inahan, ilabi na ang pagkahiusa, serbisyo, ug kalig-on sa monarkiya.
Natapos ang seremonya pinaagi sa usa ka minuto nga kahilom isip paghinumdom ug pagpasidungog kang Queen Elizabeth II.
