Mihangyo si Department of Agriculture Secretary Francisco Tiu Laurel Jr. sa Bureau of Customs nga ipanghatag na ang 580 metric tons nga smuggled frozen mackerel nga naa sa Manila Port aron masud-an sa mga residente nga hilabihan naapektuhan sa miaging mga bagyo.
Sa usa ka pahayag gibutyag ni Laurel nga nahibaw-an sa ilang ahensya nga pwedi makaon ang tonetoneladang isda nga nakabutang sa freezer sa Manila port .
Gikadugang ni Laurel nga mamahimo nga ang Department of Social Welfare and Development (DSWD) na ang manghatag niini sa mga apektadong residente isip kabahin sa nagpadayon nga relief operations.
Gibanabanaang mukabat sa P178.5 milyon piso ang katibuk-ang kantidad sa palusot nga frozen mackerel nga nakumpiska sa Bureau of Customs gikan sa 21 ka cointaners sa naasoy nga pantalan sa Maynila.
Una ng plano sa ahensya, gusto nila nga gamiton ang mga smuggled frozen fish nga dugang tabang sa mga apektado sa bagyong Kristine.
