GENSAN – Dako ang benepisyo nga maangkon sa katawhan sa higayon nga hingpit nang mag-operate ang ‘Palengke Heneral’ sa dakbayan sa Gensan, sumala sa pamahayag ni Councilor Franklin Gacal.
Matud pa sa konsehal, kadaghanan sa mga stallholders pabor sa pag-improve sa kasamtangang palengke bisan pa man adunay pipila nga nagpakita og pagkontra. Bisan pa niini, nagpadayon gihapon ang pagdesinyo sa proyekto ilalom sa Public-Private Partnership(PPP).
Gipaabot usab nga sa dili magdugay magsugod ang korporasyon sa pagtukod sa bag-ong palengke, nga mag-una og demolition sa daang estruktura.
Sumala sa plano, mahimong upat nga andana ang bag-ong building, diin ang ika-upat nga andan pagagamiton og parking area.
Ang disenyo sa maong pasilidad ginahulagway nga modern ug posibleng malibog ang makakita kay mura kini og mall ug dili tradisyonal nga palengke.
