GENSAN- Padayon ang pakigkoordinar sa lokal nga gobyerno ug Department of Social Welfare and Development (DSWD) alang sa pag-release sa wala pa ma-claim nga P5,000 fuel subsidy ubos sa Assistance to Individuals in Crisis Situation.
Gipahibalo nga ang mga benepisyaryong wala pa makadawat sa maong ayuda mahimong moadto ugmang adlawa, Abril 30, 2026, gikan alas-9:00 sa buntag hangtod alas-5:00 sa hapon sa DSWD Satellite Office sa Unihub Building aron makuha ang ilang benepisyo.
Gikinahanglan nga magdala ang mga claimant og duha ka colored photocopies sa ilang driver’s license nga adunay tulo ka pirma.
Sumala sa mga otoridad, importante ang hustong dokumento aron mapadali ang proseso sa pag-claim sa subsidy.
Nag-awhag usab ang LGU ug DSWD sa mga kwalipikadong benepisyaryo nga i-avail dayon ang maong ayuda.
Gilauman nga pinaagi niini, matabangan ang mga drayber nga mabawasan ang gasto sa krudo.
