GENSAN– Puno sa kasakit nga gisugat sa pamilya Lacrita ang pag-abot sa patayng lawas sa ilang kabanay nga si Queenjo Lacrita, ang namatay nga overseas Filipino Worker( OFW) gikan sa Saudi Arabia .
Si Queenjo nga residente ng Brgy. Apopong,Gensan, nanimpalad isip domestic helper sa Dammam sugod niadtong Feb. 23, 2026.
Sa interview sa Bombo Radyo Gensan, gibutyag ni Lyza Mae Lacrita Suba-an, nga dili niya madawat ang gidangatan sa iyang magulang.
Sa iyang pamahayag, maayo og himsog nga mibiya si Queenjo sa Pilipinas apan gibalik kanila na nabutang na sa kahon.
Dugang niini, nakadesisyon ang ilang pamilya nga mihimo og lakang ugaling mapamatud-an nga adunay foul play sa kamatayon ni Queenjo.
Nasayran nga dili gihapon klaro sa pamilya ang hinungdan sa kamatayon sa nasampit nga OFW ilabina nga aduna matud pay nakit-ang mga bun-og sa lawas niini.
Nasayran nga ipailalom sa autopsy ang patayng lawas ni Queenjo ugmang adlawa.
