Nagpasidaan ang usa ka grupo nga naga monitor ug flight risks nga posible nga mutaas ang hulga sa mga American airline operators sa Middle East, human bombahon sa Estados Unidos ang mga nuclear sites ng Iran.
Dugang pa, adunay mga serye sa mga pagbinayloay sa missile tali sa Israel ug Iran, nga gilikayan sa mga airline.
Tungod niini daghang mga airlines na ang nagkansela sa ilahang flight padulong sa Dubai human ang security assessment.
Human ang usa ka serye sa missile attacks sa Iran, temporaryo nga nagbukas ang Israel sa airspace niini sulod sa unom ka oras kaniadtong Domingo aron tugutan ang mga turista nga na-stranded tungod sa grabe nga away nga makapauli.
Samtang matud sa Safe Airspace nga posible nga mograbe ang peligro sa mga U.S. airline operators tungod sa posible nga mobalos ang Iran batok sa interes sa militar sa Amerika sa rehiyon.
Gipakita usab sa FlightRadar24 nga ginapili sa ubang mga airline ang mga alternatibo nga ruta sa amihanan sa Caspian Sea o via Egypt ug Saudi Arabia, bisan pa nga mas dako ang gasto sa gasolina ug mas taas ang biyahe.
Samtang daghan na usab ang nagsuspinde sa mga flight sa mga apektado nga nasud samtang nagpadayon ang mga evacuation flight gikan sa silingang mga nasod.
Gawas sa rerouting, nabalaka usab ang mga airlines sa posibleng pagsaka sa presyo sa lana tungod sa mga pag-atake sa US, nga makadugang sa gasto sa jet fuel.
Bisan sa wala pa ang pag-atake sa US, gikansela sa American Airlines ang mga flight sa Qatar ug sa Dubai.
