Pagsaka sa presyo sa mga produkto sa lana gipaabot sunod semana

Gipaabot ang laing pagsaka sa presyo sa mga produktong petrolyo sa kataposang semana sa Nobyembre.

Base sa forecast sa Department of Energy (DOE) nga moduwa gikan sa P0.70 ngadto sa P0.90 ang usbaw sa matag litro sa gasolina.

Samtang ang diesel adunay usbaw gikan sa P0.70 ngadto sa P1.00 matag litro.

Samtang ang kerosene moduwa gikan sa P0.60 ngadto sa P0.70 ang ipasaka sa matag litro.

Gipunting ni Department of Energy-Oil Industry Management Bureau Assistant Director Rodela Romero ang gipaabot nga pagtaas sa tensyon sa Russia ingon man ang pagkawala sa produksiyon sa lana sa Norway.

Kada Lunes, kasagarang ipahibalo kon pila ang mosaka sa presyo sa mga produkto sa lana nga sagad ipatuman matag Martes.