GENERAL SANTOS CITY – Bantay sarado ang duha ka pulis nga anaa sa balay tambalanan human gibanhigan kaganihang buntag sa National Highway Polonuling Tupi South Cotabato nga nagresulta sa pagkamatay ni Police SSgt Renante Espero.
Matud ni Police Capt. Junel Rey Gatera, hepe sa Tupi Municipal Police Station nga nakuhaan na ug pahayag ang duha ka pulis nga silang SSgt Jorex Velasco ug SSgt Rey Jerome Silvederio nga nakaangkon ug mga samad human gipamusil sa wala maila nga mga lalaki nga sakay sa usa ka sports utility vehicle.
Ang tulo ka mga pulis ang sakay sa kotse paingon unta sa Police Regional Office 12.
Matud ni Gatera nga dead on the spot si Espero tungod sa daghang samad nga naangkon samtang kini ang nagmenho sa sakyanan.
Una nga gisaysay sa witness nga si Kring Kring nga gitaparan sa pick up ang sakyanan nga kotse sa mga biktima ug didto gipabuthan sa makadaghan nga higayon.
Padulong sa direction sa Polomolok ang duha ka sakyanan.
Human maigo ang driver nawad-an a ug kontrol mao nga nakabig ang manibela ug mibalik sa gigikanan nga direction hangtud nahulog sa kanal nga bahin sa barangay Kablon ang ligid sa sakyanan.
Padayon pa nga giimbestigahan ang hinungdan sa insidente og ang mailhan ang mga responsable.
