GENERAL SANTOS CITY – Pakusgon ang ekonomiya sa Mindanao pinaagi sa panagtipon nga tambungan sa mga negosyante sa tinuig nga Mindanao Business Conference.
Matud ni Miguel Rene Dominguez, President sa General Santos City Chamber of Commerce and Industry, Inc. (GSCCCII) nga sila ang mag host sa maong aktibidad karong September 12 ug 13, 2024 nga ipahigayon sa usa ka Mall ning syudad.
Gikadugang ni Dominguez nga muabut dinhi sa syudad ang mga business leaders, investors, policy makers alang sa kamugnaan sa plano ug panghuna huna kalabut sa economic landscape sa Mindanao ug aron matabangan ang paglambo sa syudad aron mas mahimong competitive.
Gumikan niini mamahimo na unya nga i showcase ang kalambu-an sa syudad.
Una ng gibutyag ni Dominguez nga importante nga mahimong future proofing sa syudad kini nga aktibidad aron mabutang sa siguro ang mga kabataan nga magbaton ug skills aron mahimong competitive panahon nga mangita ug kasudlan nga trabaho.
Nagpasalamat usab ang kahugpungan sa mga negosyante sa syudad sa pasalig sa LGU nga mutabang sa sa 33rd Mindanao conference.
