Usa ka maayong kalambuan ang pagdakop ug pagpalagpot sa Timor-Leste ni kanhi Negros Oriental Representative Arnie Teves alang sa pipila ka mga senador sa pagkab-ot sa hustisya.
Matod ni Senador Joel Villanueva nga ang pagpa-deport sa kanhi kongresista maoy maghatag kaniyag kahigayonan nga atubangon ang mga kaso nga gipasaka batok kaniya.
Makahatag usab kini og kahigayonan sa pamilyang Degamo nga magpadayon sa pag-asdang sa hustisya nga ilang gipangita.
Si Villanueva, sa laing bahin, nagbarog uban sa pamilyang Degamo ug mga apektadong pamilya sa ilang tinguha nga makab-ot ang hustisya ug pagtak-op sa makalolooy nga kapitulo sa linuog nga pagpatay kang kanhi Gobernador Roel Degamo, ug sa ubang mga biktima.
Tungod sa pagkasikop ni Teves, si Senador Sherwin Gatchalian niingon nga makab-ot ang hustisya ilabi na sa pamilyang Degamo.
Gitataw sa senador nga apektado ang tibuok nasud sa giingong gihimo ni Teves ug nadaot usab ang international image sa Pilipinas ilabi na sa Negros Oriental
