Gikataho nga misulay pagsulod sa ikaduhang andana sa Senado ang wala mailhing armadong mga lalaki, sumala ni Interior Secretary Jonvic Remulla.
Diin kini ang hinungdan nga nagpabuto og mga warning shot ang mga personahe sa Senate Office of the Sergeant-at-Arms (OSAA) aron dili sila makasulod.
Sumala sa opisyal, mga alas 7:46 sa gabii, ang mga armadong lalaki misulay pagsulod sa Senate building. Human sila gipahunong, giingong miatras sa likod sa building ug nagpabuto og mga bala.
Giimbestigahan pa sa mga awtoridad kung pila ka tawo ang nalambigit sa insidente pinaagi sa pagrepaso sa CCTV footage.
Nahitabo ang insidente samtang naka-lockdown ang Senado, diin si Senador Ronald “Bato” dela Rosa anaa sa protective custody.
Gikataho nga misamot ang tensyon human gibalibaran sa Korte Suprema ang hangyo ni Dela Rosa alang sa temporary restraining order kalabot sa warrant of arrest nga gi-isyu sa International Criminal Court batok kaniya.
Gikumpirmar usab niini nga luwas si Senador Ronald “Bato” dela Rosa ug giubanan sa mga security personnel human sa tensyon ug lockdown sa Senate building.
Sa iyang pagpakita uban sa mga media personnel sa Senado, ang kalihim miingon nga ilang gipahibalo si Dela Rosa nga anaa sila sa Senado aron masiguro ang integridad ug ang proteksyon sa tanang senador nga anaa sa building.
Gipasalig usab ni Remulla kang dela Rosa nga dili nila siya dakpon.
Mas lawon usab nga imbistigasyon ang gipahigayon sa mga otoridad hilab
