GENERAL SANTOS CITY – Mokapin o kulang 22 ka bagyo matag tuig ang moigo sa nasud sumala sa DOST-PAG-ASA.
Sa nahitabo nga pagkuso-kuso sa bagyong Paeng partikular sa Maguindanao bag-uhay lamang, gi-underestimate kini sa mga tawo.
Kini ang gikabutyag ni Bong Tuballes labaw sa PENRO-Sarangani nga wala nagkulang ang gobyerno sa pagpahimangno nga adunay bagyo nga moabot.
Dugang pa niini nga gumikan sa maong rason dako ang nahimong damyos sa kinabuhi ug propiedad.
Saysay pa niini nga adunay ginatawag nga Timber Linsence Agreement kaniadto nga nagtugot nga mamutol ug kahoy apan ilawom niini mao usab ang pagtanom ug mga punuan isip hulip sa giputol.
Apan sa pagkakaron, nakita nga upaw na ang kabukiran dili lamang sa Maguindanao apan sa pipila ka mga kabukiran sa tibuok Nasud.
Matud pa ni Tuballes nga kung gituman lamang ang agreement dili unta mahimong kini ang dagan sa tanan hilabi na panahon sa kalamidad.
Kahinumdoman nga mismong si Pres. Ferdinand Marcos Jr. ang nagpahigayon ug aerial inspection kung asa nakita niini nga wala nay kahoy ang halapad nga bahin sa Maguindanao.
