GENERAL SANTOS CITY – Nanghinaut si Coach Boy Gaballo nga unta magpabilin ang maayong kinaiya ni Vincent Astrolabio luyo sa iyang kalampusan sa natad sa boxing.
Matud pa kang Coach Gaballo nga sa iyang gym nagsugod sa pagtraining si Astrolabio og siya ang trainer.
Gikadugang pa niini nga iyang nakit-an kung unsa ang abildad sa maong boksingero kung asa iyang giampo gayud nga magmalaumpuson sa napili nga karera.
Sumala pa nga sa iyang balay mismo gapuyo si Astrolabio sa dihang nagsugod sa pagbansay.
Nanghinaut ang nasampit nga magkita sila ni Astrolabio human nga midaog batok kang Guillermo Rigondeaux.Usa ka adlaw una ang engkwentro nag-estorya sila ni Vincent kung asa gitambagan pa niya alang sa gikatakda nga engkwentro.
Malipayon si Gaballo sa naangkon sa nahisgutang boksingero gumikan siya ang unang nagtudlo kung sa unsa mahimong boxer.
Nasayran nga si Astrolabio ang lumad nga taga Lagao ning dakbayan.
