Gideklara sa dakbayan nga holiday karong adlawa alayon sa kasaulogan sa 7th Blaan day.
Matud pa kang Jocelyn Kanda, sa City Mayor’s Office-Indigenous Cultural Communities Affairs Division kon ICCAD nga virtual ang mga aktibidad gumikan sa bahad sa COVID 19.
Pinaagi sa maong kasaulogan mapromotar og ipreserba ang kultura og tradisyon sa mga Blaan nga usa sa mga unang tawo sa dakbayan.
Ang kasaulogan sa Blaan day ang ang nagsugod dihang natuboy si kanhi Kagawad Mario Impal isip Indigenous People Mandatory Representante sa konseho dihang giduso ang usa ka sugyot balaodnon hangtud nga nahimong local ordinance.
Matud ni Kanda nga bisag may pandemya dili kini babag aron ipahigayon ang Blaan Day.
Kabahin sa kasaulogan may documentary nga gihimo aron ipadayon ang pagpromotar sa kultura og tradisyon.
Ang tema sa Blaan Day 2021 mao ang Invigorating Blaan History, Culture and Traditions Amidst COVID 19 pandemic.
