Gihuptan na sa Indiana Pacers ang 2-0 lead kontra sa 2021 NBA champion nga Milwaukee Bucks human subling makuha ang daog sa Game 2 karong adlawa (April 23).
Wala gihatagan ug higayon sa Pacers nga makuha ang lead sa pagtapos sa matag quarter hangtod sa hingpit nga tapuson ang dula sa score nga 123 – 115.
Subling gipangunahan nilang Tyerese Haliburton og Pascal Siakam ang Pacers og parehong mihimo og double-double performance: 21 pts og 12 assists gikan kang Hali, samtang 24 points, og 11 rebounds kang Siakam.
Wala misaler ang bigtime double-double performance sa 2-time NBA MVP nga si Giannis Antetokounmpo nga miamot og 34 points og 18 rebounds ingon man ang 28 points og 12 rebounds sa Bucks bench nga si Bobby Portis Jr.
Tungod sa pagdaog sa Game 2, duha ka daog na lang ang kinahanglan sa Pacers aron makaabanse sa semi-finals round sa eastern conference.
