Pormal nga gidawat sa liderato sa House of Representatives, gipangunahan ni House Speaker Ferdinand Martin Romualdez, ang 2025 National Expenditure Program (NEP) nga nagkantidad og P6.352 trillion.
Gipasiugda ni House Appropriations Committee Chairman Rep. Zaldy Co, kinsa kauban ni Speaker Romualdez sa pagdawat sa NEP, ang importansya sa NEP nga gisumite sa Department of Budget and Management (DBM) ubos sa pagpangulo ni DBM Secretary Amenah Pangandaman.
Giinsister niini nga ang NEP alang sa sunod tuig dili lang plano sa paggasto kon dili usa ka giya aron makab-ot ang Philippine Development Plan 2023-2028.
Sa pagsusi sa gisugyot nga budget, gibutyag ni Co nga ang Kongreso mokonsidera sa tinubdan sa pundo, kaandam sa pagpatuman sa mga programa ug proyekto, ingon man ang kapasidad sa mga ahensya sa paggasto sa pundo nga gigahin kanila ug pagsunod sa mga prayoridad sa paggasto.
