Ordinansa sa pagbawal sa paghubo sa pampublikong lugar ug anti-squatting, tun-an pa pag-ayo sa SP-GenSan

GENERAL SANTOS CITY – Kinahanglan pa nga tun-an pagmaayo ang mga dugang nga mga isyu sa ordinansa kalabot sa pagdili sa paghubo sa mga pampublikong lugar og anti squatting ordinance rason nga gi-defer una sa SP.

Matud sa author sa maong mga ordinansa nga si Kagawad Edmar Yumang, sa bahin sa paghubo sa mga pampublikong lugar, nahisgutan atol sa sesyon kagahapon nga angayang ilakip dinhi ang isyu kalabutan sa mga cultural presentations sa mga tulunghaan og uban pa.

Samtang sa anti-squatting ordinance, gusto sa ubang mga konsehal nga tun-an pa ang ubang mga probisyon nga lahion ang mga pampublikong yuta ngadto sa mga pribado..