Gisumiti ni Senador Juan Miguel “Migz” Zubiri ang usa ka sugyot balaodnon kalabutan sa total ban sa tanang matang sa online gambling sa tibuok Pilipinas.
Sa iyang “Anti-Online Gambling Act of 2025,” gibutyag ni Zubiri nga ang online gambling usa ka “silent epidemic” nga hinay-hinay nagdaut sa mga Pilipino, labi na ang kabatan-onan nga dali lang matintal.
Matud pa sa maong senador nga dili lang simple nga regulasyon ang tumong sa balaod kundi kompletong pagdili sa tanang online nga sugal apil ang mga mobile apps, websites, ug digital betting platforms nga gigamitan sa phones, tablets, ug computers.
Apil usab sa bawal sa paggamit ang mga e-wallets alang sa transaksyon nga may kalabutan sa online gambling.
Ang mga mag-endorso, mag-anunsyo, o mag-promote sa gambling content sa TV, radyo, social media, o influencers ang mahimong manubag usab sa balaod.
Ang first offense ang anaa sa P20 milyon nga multa ug unom ka bulan nga suspension sa lisensya.
Samtang ang second offense P50 milyon ang multa ug usa ka tuig nga suspension.
