GENERAL SANTOS CITY – Walay nadawat nga mga taho ang Office of the Civil Defense kalabutan ang landslide ug flashfloods luyo nga nagpadayon ang pakiglambigit sa nagkadaiyang Municipal, City Disaster Risk Reduction Management Office.
Hinuon gitumbok ni Jorie Mae Balmediano, OCD 12 spokesperson nga padayon ang monitoring sa ilang buhatan kauban sa mga local disaster unit sa mga flood prone area kini human nagdeklara ug suspension of classes sugod nakalabay nga adlaw.
Basi sa talaan sa OCD 12 ilang gimonitor ang mga lugar sa Magpit, Mlang, Makilala, Matalam, Kidapawan, Arakan, ug Carmen human gibaha ang lugar.
Luyo niini walay gikataho nga adunay landslide o flashflood samtang padayon nga nakiglambigit sa mga LGU ang ilang buhatan apan walay gikataho nga mihikling sa mga evacuation center.
Gipahugtan usab ang ilang monitoring aron makahimo dayon ug aksyon sa higayon nga adunay pagbaha ug landslide nga matigayon.
Kini human nagdeklara ug suspension of classes sa elementarya ug sekondarya kagahapon si Gensan Mayor Lorelie Pacquiao gumikan sa nasinati-an nga pag-ulan.
