GENERAL SANTOS CITY – Nagsugod na kagabii ang novena mass alang sa kapistahan ni Santo Niño de Bula sa Enero 15, 2023.
Matud pa kang Tata Granfon, fiesta director sa Santo Niño de Bula Parish nga sa pagsugod sa novena, sa buntag gipahigayon ang bandorial motorcade kung asa gituyok ang Senior Santo Niño sa parokya nga ginsakpan.
Sa iyang pamahayag nga excited na ang tanan sa kasaulogan human nga gilimitahan ang mga tawo sa miaging mga tuig gumikan sa pandemic.
Ang tanang mga religious activities sa kapistahan ang gibalik apan gipaubsan ang mga social activities.
Ang katawhan excited na usab sa pagbalik sa fluvial procession.
Nagpasalamat sila sa Diyos gumikan nibalik na sa normal ang sitwasyon.
Ang apila sa katawhan nga magsunod sa mga patakaran aron mahimong hapsay og malampuson ang kapistahan.
