-- ADVERTISEMENT --
Gipasabot ni National Bureau of Investigation (NBI) Director Melvin Matibag ang resulta sa paraffin test ni Mel Oragon, ang boluntaryong driver nga gidudahang nagpabuto sa Senado niadtong Mayo 13.
Sumala sa hepe sa NBI, bisan og positibo si Oragon sa gunpowder residue, wala kini magpasabot nga migamit gyud siyag pusil.
Miingon siya nga posible nga ang gunpowder nabalhin sa lawas ni Oragon gikan sa laing tao, labi na kay gidala siya sa Senado ug gihulog sa lugar diin nagpabuto ang Senate Office of the Sergeant-At-Arms (OSAA).
Kahinumduman nga gipanghimakak ni Oragon nga siya ang nagpabuto taliwala sa kagubot sa Senado ug miinsistir nga adunay video nga magpamatuod nga wala siyay pusil.
