Niangkon ang gisuspende nga Senate Sergeant-at-Arms nga si Mao Aplasca nga ang Senado giatake niadtong Mayo 13.
Kini bisan pa sa pagpanghimakak sa Malacañang, sa Department of the Interior and Local Government, ug sa National Bureau of Investigation sa maong naratibo.
Sumala ni Aplasca, ang gipakita nga CCTV footage giingong ‘spliced’ o giputol ug gipapilit aron ipakita nga walay nahitabong pag-atake.
Ang direktor sa CIDG nga si Maj. Gen. Robert Morico II kaniadto nagpakita og kopya sa security footage nga nagpakita kang Aplasca nga nagpabuto sa unang warning shot sa wala pa mibalos og pusil ang ahente sa NBI.
Hangtod karon, wala pa mopakita si Aplasca sa CIDG kalabot sa nagpadayon nga imbestigasyon sa insidente sa pagpamusil ug gitambagan ang iyang mga abogado nga mangayo og extension.
Samtang, gikumpirma sa CIDG nga gisurender na ni Aplasca ang iyang pusil, nga gipailalom sa ballistic examination sa PNP Crime Laboratory.
Si Aplasca karon ubos sa unom ka bulan nga suspensyon human sa insidente sa pagpamusil sa asembliya.
