Kampo ni VP Sara Duterte, nipasalig nga mosunod sila sa writ of summons gikan sa impeachment court

Motuman ang kampo ni Bise Presidente Sara Duterte sa pag-isyu sa writ of summons sa Senado, nga nagsilbing impeachment court.

Sumala ni Atty. Michael Poa, ang legal counsel ug tigpamaba sa Bise Presidente, motubag sila sa proseso nga gihatag sa Senate impeachment court.

Gipaniguro usab niiini nga mopasaka sila og igong tubag subay sa konstitusyon.

Girespeto nila ang kasamtangang proseso ug wala nay dugang komento.

Mahinumduman nga gihatagan sa Senate impeachment court ang Bise Presidente og 10 ka adlaw human nila madawat ang writ of summons.

Diin ang pagsumiter sa tubag kabahin sa sunod nga lakang sa dili pa hingpit nga makapadayon ang pagdungog sa kaso.