GENERAL SANTOS CITY – Nadismaya ang tulo ka kandidato pagka-kongresista sa unang distrito sa South Cotabato human nagpagawas ug enbanc resolution ang comelec nga dili na madayon ang pagpili ug representante tungod nagtakda na ang Commission on Election ug election sa maong posisyon karong Desyenbre 29, 2019.
Alang kang Atty Menchie Dinopol Cataluña nga paabuton na lamang ang kopya luyo nga may pagduda nga gilangan ang pagduso sa balaud nga mahimong lone district ang General Santos human matud pa gihimo lamang kaniadtong Pebrero 11 niing tuiga luyo nga natulog ug duha ka tuig ang committee report una giduso sa buhatan sa pangulo.
Matud niini nga pabor siya nga dili ihinayon ang election aron mailhan siya sa katawhan. Isip usa sa kaliwat Dinopol makahimo kini ug mga paagi aron mailhan pagmaayo sa katawhan.
Gilantaw usab niya ang pahayag kaniadto ni Rep Acharon nga walay mahitabo nga election tungod walay pundo nga magamit.
Kahinumduman nga nahisgutan na ang hold over capacity ni Rep. Pedro Acharon Jr nga mudumala sa Tampakan, Tupi ug Polomolok lakip na sa dakbayan sa Heneral Santos hangtud tuig 2022.
Samtang, walay mudaug sa tulo nga mipapili pagka Kongresista sa Unang distrito sa South Cotabato apil na ang dakbayan sa Heneral Santos sa May 13, 2019 elections.
Kini ang panglantaw ni Atty Art Cloma human gibutyag niini nga nakahunat na sa pagpangampanya apan mahulog sa wala ang ilang pagpaila-ila sa tawo.
Mismong sa Facebook page ni Cloma nanukad ang hisgutanan kalabutan sa pagpahigayon ug special election alang lamang sa representante sa unang distrito sa South Cotabato ug mupili usab ug representante ang GenSan unom ka bulan human ang midterm elections.
Nabalaka matud pa dinhi sa Cloma nga managhan ang mukandidato pag-abut sa maong panahon ug gilantaw nga mamalik ang kaniadtong mga pulitiko nga mupapili pagka Konresista.
Gikabalak-an usab niini ang hisgutanan nga ibutang isip hold over capacity ang kasamtangan nga Kongresista nga si Pedro Acharon Jr.
Samtang, wala matud pay nadawat nga official communication gikan sa Commission on Election magpabilin sa pagpangampanya si Sherlyn Bañas.
Matud niini nga ipadayon ang kampanya sa Tampakan, Tupi ug Polomolok lakip sa dakbayan nga nasugdan na miaging bulan.
Alang kaniya nga tuig 2022 pa mahitabo ang pagpili ug representante sa katawhan sa tulo ka munisipyo dungan sa nahimong pahayag sa pipila ka senador nga iyang nahimamat miaging semana dinhi sa dakbayan. Gani kung mahinayon man ang pinili-ay sa Nobyembre niining tuiga dili na tulo ka tuig ang mahimong termino kundi duha ka tuig ug tunga na lamang.
Gipaklaro niini nga Sherlyn Bañas ang opisyal nga giparehistro niini sa Commission on Elections.
Alang usab ni South Cotabato Representative Pedro Acharon Jr. kaniadto pa niya gibutyag nga adunay duha ka opsyon nga mahitabo.
Una mamahimo nga ipadayon ang election alang sa representantive ug ang ikaduha nga isibug ang election ug magpahigayon ug special election aron mudamala didtos a Kongreso sa mga munisipyo sa Tampakan, Tupi ug Polomolok ug ang lone district sa GenSan.
Kung mahinayon man masusama kini sa special election sa Leyte nga magpahigayon ug election unom ka bulan human ang election sa Mayo.
Dili usab sigurado ang kongresista kung tugtan pa kini sa COMELEC nga mupapili pag-usab sa maong gihapon nga posisyon luyo nga gilantaw nga himuon siya nga caretaker nga mupadagan hangtud mahitabo ang election sa Nobyembre.
Una nang gibutyag ni Acharon nga paigo na kaniya ang nahimo nga legasiya tungod naa na kini sa retirement mode niining panahuna.
