GENSAN – Gipahayag ni Gensan Councilor Franklin Gacal nga bisan pa walay opisyal nga rigodon o pag-ilis sa liderato sa Senado, nawad-an na og pagsalig ang katawhan sa pipila ka mga senador ug kongresista nga nalambigit sa anomalya sa mga flood control projects ug mga budget insertion sa tinuig nga national budget.
Nagkataas ang kasuko ug kakapoy sa publiko tungod sa padayon nga isyu sa korapsyon.
Ang mga senador karon murag naggamit sa daang estilo o ‘old strategy’ aron maprotektahan ang ilang kaugalingon, imbis nga magpakita og transparency ug accountability sa isyu.
Gibutyag sa konsehal, mas motubo lang ang kawad-on sa pagsalig sa publiko kung magpadayon kini nga kultura sa Senado ug sa Kongreso.
Gihulagway usab ni Gacal nga posibleng si Senador Rodante Marcoleta ang muhulip kang Senador Panfilo “Ping” Lacson isip bag-ong chairman sa Senate Blue Ribbon Committee, human ang pagresign na ni Sen Lacson sa maong posisyon.
