GENERAL SANTOS CITY – Gideklara nga Dead on arrival nga gidala sa balay tambalanan ang usa ka 16-anyos nga menor de edad samtang kritikal usab ang inahan niini human gibunalan og martilyo sa iyang kaugalingong igsuon.
Nahitabo ang insidente alas 11:30 sa buntag Oktubre 13 sa Zone 6, Block 6 Barangay Fatima, niining dakbayan sa Heneral Santos.
Giila ang menor de edad nga si Alyas Jay ug inahan niini nga si Elma Carcosia, 53-anyos.
Samtang ang suspek giila nga si Jessie Carcosia, 30 anyos ug pulos mga residente sa maong lugar.
Base sa inisyal nga imbestigasyon sa mga kapulisan, samtang natulog ang mga biktima kalit silang gipangbunalan og martilyo sa ulo hingungdan sa ilahang hinanaling kamatayon
Base sa pahayag sa silingan nga si Jhen-Jhen nga nakita-an nalang niya si alyas Jay nga nag gakos sa unlan nga wala nay kinabuhi ug ang iyahang inahan nga nagbuy-od sa salog.
Dugang pa niini nga adunay deperensya sa panghuna-huna ang suspek ug sa kasamtangang anaa sa kapulisan ang nasangpit.
