Gipirmahan na ni Russian President Vladimir Putin isip balaud ang treaty sa strategic partnership sa Russia sa North Korea kun asa nalakip ang mutual defense provision.
Kini nga kasabotan ang una na nga gipirmahan nilang Putin og North Korean leader Kim Jong Un sa Pyongyang kaniadtong Hunyo.
Kasabotan kini sa duha ka nasud kung asa magtabangay pananglitan may armado nga pagpang-atake batok kanila.
Giratipikahan sa upper house sa Moscow ang maong kasabotan bag-ohay lamang nga semana samtang gi-endorso usab kini sa lower house sa nakalabay nga bulan.
Mas pakusgon niini ang relasyon sa duha ka nasod sukad nga naglusad ang Russia og full-scale invasion sa Ukraine kaniadtong Pebrero 2022.
Base sa reports sa South Korea og Western countries, ang North Korea ang naga-suplay og mga armas sa Russia sa maong gyera.
Aduna usab nauna nga gi-report si Ukrainian President Volodymyr Zelenskyy nga nagpadala ang Pyongyang og 11,000 tropa sa Russia aron mutabang sa Ukraine war.
