Posibleng direkta nga nalambigit ang bag-ong Supreme Leader sa Iran nga si Mojtaba Khamenei, anak sa namatay nga lider nga si Ali Khamenei, sa paghulma sa estratehiya sa Iran sa gubat ug sa negosasyon aron tapuson ang tensyon sa Estados Unidos.
Sumala sa intelligence sa US, si Mojtaba Khamenei ang nagdumala sa estratehiya sa Iran sa mga negosasyon aron tapuson ang gubat nga mibuto human sa mga pag-atake sa US ug Israel.
Bisan pa nga gihulagway si Mojtaba isip usa ka “hardliner” o adunay lig-on nga baruganan nga nagpasidaan batok sa mga base militar sa US, siya usab ang giisip nga yawe sa pag-aprobar sa bisan unsang “ceasefire proposal” o kasabutan aron mapahunong ang gubat.
Si Mojtaba wala pa makita sa publiko sukad nakasinati og grabeng mga samad (serious injuries) sa tunga-tunga sa mga pag-atake nga mipatay sa iyang amahan ug sa pipila ka top military leaders sa pagsugod sa gubat sa ulahing bahin sa Pebrero 2026.
Base sa mga report, siya nagpaayo gikan sa iyang mga samad (burns) ug nagtrabaho pinaagi sa mga kasaligan nga mga courier ug audio conferences gikan sa usa ka luwas nga lokasyon.
Bisan pa nga siya ang Supreme Leader, adunay mga taho nga ang tinuod nga gahum anaa sa kamot sa Islamic Revolutionary Guard Corps (IRGC), ug ang iyang papel mahimong limitado o simboliko sa pipila ka aspeto.
