GENERAL SANTOS CITY – Gihapak sa dagkong balud og dayon misaka ang tubig sa dagat sa baybayon nga nagresulta sa paghikling sa ubay-ubay ka residente sa Tinago, Brgy. Dadiangas South ning dakbayan kagabii.
Matud pa ni Kagawad Taha Abubakar, karong adlawa sayron kauban ang social workers sa barangay kung pila ka balay ang partially og totally damage human sa nahitabo.
Gipagamit ni Kapitan Rock Garay ang bag-ong tukod nga barangay hall alang sa mga apektadong residente sa Tinago 9-A og Tinago 9-B.
Sa pamahayag ni Kag. Abubakar, basi sa ilang assessment, ang mga gapnod, pinutol nga mga kahoy og uban nga gianod sa baha sa Silway River gikan sa Polomolok South Cotabato ang ginaproblemahan kanunay sa mga residente sa lugar.
Kini tungod muhapak og maoy makaguba sa mga kabalayan nga kasagaran mga gama sa light materials.
Dugang pa niini, atol sa pagsaka sa tubig sa baybayon, midungan ang natigayon nga ipo-ipo nga gituohan sa mga residente nga ilang nakita aso gikan sa barko.
Sa pamahayag ni Tinago Purok Chairman Flordelis Sinulat nga bandang alas 5 sa hapon nagsugod og kusog ang balud dayon misaka ang tubig sa mga kabalayan nga nasinatian tulo na ka adlaw.
