-- ADVERTISEMENT --
GENERAL SANTOS CITY – Nagkahiusa ang mga mayor sa nagkalain-laing munisipyo sa Sarangani sa paghatag ug suporta kang Maitum Mayor Alexander Bryan Reganit, nga nag-atubang ug kasong murder gumikan sa pagpamanhig kaniadto kang kanhing Mayor George Perrett.
Kini human nga wala pa gihapon mitumaw ang nahisgutan, human nagpagawas ug warrant of arrest ang korte batok kaniya.
Nagkahiusa ang mga nasampit nga mayor sa pagpanawagan ngadto kang Reganit nga mutumaw na, ug atubangon ang iyang giatubang nga kaso sa korte, ug didto usab depensahan ang kaugalingon.
Kahibaluan nga sa kasamtangan, ang bise mayor nga si Tito Balazon Sr. ang mao unay gabarog nga mayor sa Maitum, samtang naka-leave si Reganit.
