Lubos puti nga mga sapot ang sul-ob sa mga magtutungha sa South East Asian Institute of Technology ang pagpakita og simpatya sa mga namatay sa disgrasya nakalabay nga gabii sa Crossing Rubber Tupi South Cotabato.
Kini human nagkatigum ang mga magtutudlo ug mga magtutungha sa naasoy nga tulunghaan ug gipakita ang pagbuhi ug ballon isip kabahin sa ilang pagbangutan sa pagtaliwan nilang Rezile De Padua, Glykiel Jade Bico og intern student, Jonaira Ambaco sa usa ka vehicular accident.
Kahinumduman nga pauli na unta sa Tupi South Cotabato ang tulo ka biktima nga sakay sa motorsiklo dihang nakatagbo ang pick-up truck human matud pa nag overtake ang gisakyan sa tulo sa laing sakyanan.
Gumikan sa kakusog sa pagkabangga on the spot nga namatay ang mga biktima.
Gani nadugayan pa makita ang ikatulo nga biktima tungod sa kangitngit sa lugar.
Nakapauli na usab ang tulo ka patay nga lawas sa tagsa ka pinuy-anan samtang padayon nga gikustudiya sa Tupi Municipal Police station ang driver.
