Gipahimangnuang ni US, Philippine Ambassador Jose Manuel Romualdez ang mga undocumented pa nga mga Pilipino sa America nga kinahanglang magproseso na sa ilahang mga gikinahanglang papeles arun nga malikayan ang bisan unsa mang kakulian higayong si Trump na unya ang opisyal nga maka lingkod sa White house.
Sigon sa nasangpit nga Ambassador nga kinahanglang moduol gilayon ang maong mga Pinoy sa mga legal advisers arun matamabagan kung unsa ang angayan nga himoon arun nga dili ma deport. Higayon matud pa nga madeport, mamahimo kini silang dili na unya maka sulod pa og balik sa America.
Sa kasamtangan, anaa matud pa sa 250-mil ngadto sa 300-mil ka mga Pilipino ang dili pa dokumentado nga nagpuyo sa Estadus Unidos. Kahibaloan nga giklaro ni Trump sa pamahayag niini ning adlawa lang nga wala matud pay laing choice ang iyahang administrasyon kundili ang pagtuman sa gisaad niini sa iyahang kampanya nga “largest deportation in American History”.
Dugang pa ni Ruladedez, siyam sa napulo ka mga TNT’s kon Tago nang Tago sa Amerika kay masakpan gayud sa dili madugay tungod sa kadaghan nang pamaagi nga himoon unya sa Amerika, ilabi na nga sa kasamtangan, konektado na ang US departments from immigration ngadto sa transportation security administration (TSA)..
