GENERAL SANTOS CITY – Excited na ang mga residente sa Maasim Sarangani Province sa pag-abot sa ilang idolo sa ilang lugar nga si Sen. Manny Pacquiao.
Nasayran nga daghan na ang nag-atang sa National Highway sa Linaw Tampat Maasim og sa beach sa fighting senator.
Matud kay Jessy Martin, malipayon sila kon makit-an nila ang pambansang kamao human ang jogging gikan sa boundery sa GenSan paingon sa Maasim.
Gibutyag nga buotan gayud ang senador sa tanan, bisan sa mga ordinaryong mga tawo.
Nasayran nga ginapalit ni Sen. Pacquiao ang mga baligya nga isda sa mga mananagat nga muadto sa iyang beach.
Sa pakighinabi sa Bombo Radyo GenSan, gibutyag ni Aquiles Zonio nga kauban ni Manny sa iyang pag-jogging karong
buntag ang igsuon nga si City Councilor Bobby Pacquiao og iro nga si Pacman.
Gawas sa Team Pacquiao, naghatag og seguridad kay Manny ang mga personahe sa Joint Task F0rce GenSan og Regional Public Safety Batallion.
