Wala nagtuo si Atty. Xavier Bayan nga wala na nakaila ang mga kabataan karon sa mga bayani sa unang panahon.
Matud niini nga daghan gihapong mga programa ug kalihukan nga gipahigayon alang sa mga kabataan, ilabina panahon sa pagsaulog sa Buwan ng Wika ug sa paghinumdom sa mga bayani sa nasud.
Apan iyang gipasabot nga gikinahanglan pa ang mas lig-on ug padayon nga suporta alang sa mga kabataan aron mas masabtan ug mailhan nila ang mga personalidad nga adunay dakong papel sa kasaysayan sa Pilipinas.
Matud pa niya, dili lamang kutob sa paghisgot sa ngalan sa mga bayani ang paghinumdom kanila, kondili importante usab nga masayran sa mga kabataan ang ilang mga nahimo, mga sakripisyo ug ang ilang kontribusyon sa nasud. __ Ang pamahayag ni Atty. Xavier Bayan
