GENERAL SANTOS CITY – Gihingusgan ni Dr. Tina Ramizo, usa ka pediatrician sa dakbayan nga walay angayang kabalak-an ang mga ginikanan nga singko hangtud sa 11 anyos nga pabakunahan batok sa COVID 19.
Kung ang bakuna sa mga anaa sa hamtong nga pangidaron ingon man sa mga 12 to 17 years old anaa sa 13 micrograms, ang sa nasampit nga age group anaa lamang sa 10 microgram.
Gihimo usab niining ehemplo ang mga nabakunahan sa Amerika nga anaa sa maong age bracket ug walay natalang namatay ug kasagaran mga mild lang ang epekto tungod sa pagbakuna.
Sumala kang ni Dr. Ramizo, nga gawas sa nahisgutan nga nasud daghan pang mgakabataan ang nabakunahan na nga 5 to 11 years old ug nagmalampuson sama sa Europa, Saudi , Singapore , Japan, sa Malaysia ug uban pa.
