Mga mananagat sa Gensan makadawat na og rice subsidy ugmang adlawa

GENSAN- Makadawat na og subsidy ang mga mananagat o fisherfolks ugmang adlawa, Abril 23 isip tabang sa lokal nga panggamhanan sa Gensan taliwala sa krisis nga nasinati karon.

Pagabuhaton ang distribusyon sa 10 kilos rice subsidy sa duha ka venues.

Sa Barangay Bawing Siguel Gymnasium magsugod sa buntag samtang sa Barangay Calumpang Gymnasium, alas-3 sa hapon.

Ang maong ayuda gitumong aron makatabang sa panginabuhi sa mga mananagat nga usa sa mga naapektuhan sa nagpadayon nga kalisod sa sektor sa pangisda gumikan usab sa nimahal nga presyo sa produktong petrolyo.