GENERAL SANTOS CITY – Nagpahinumdum si GenSan City Mayor Ronnel Rivera ang nagkadaiyang barangay officials kabahin sa istriktong pagpatuman sa gihan-ay nga minimum health measures batok sa COVID 19.
Sa pagkakaron nakatutok ang syudad lakip ang inter agency task force sa ginapangandaman nga posibleng pagsaka sa kaso sa coronavirus disease 2019 infection sa siyudad, alayon sa pagsaulog sa holiday season.
Gibutyag sa mayor nga tumong niini nga malikayan ang pagsaka pa sa kaso sa mga matakbuyan sa virus.
Base sa December 20 tracker data sa DOH-Center for Health Development, gikan sa katibukang ihap 4,398 covid cases sa rehiyon, 314 na lang ang padayon pang nagpaalim sa sakit.
Anaa sa 94 na lang ang aktibo sa Gensan, South cotabato may 92 active cases, Cotabato City may 67, ang North Cotabto may 27 ka kaso.
Ang Sarangani may 20 ka aktibong kaso og ang Sultan Kudarat may 14 pa ka pasyente ang padayong nagpaayo.
