GENERAL SANTOS CITY – Subli nga nagkatigum ang hilabihan kadaghan nga myembro sa ALAMCCO human mikatag sa facebook nga pangbayaran ang mga nagbutang ug puhunan.
Gibutyag sa nagpangalan ug Bobong nga angayan nga mupatunga na ang mga opisyal sa LGU Alabel aron ipaatubang si Pastor Gerson Cagang sa mga masuk-anon nga mga investor.
Pagbutyag niini nga kasagaran sa miabut niining adlawa mga residente sa Alabel ug botante ni Mayor Vic Paul Salarda.
Gisaysay pa sa laing investor nga kinahanglan nga mulantaw ug utang kabubut-on si Mayor Salarda human gipadaug sa mga investor tungod mao kini ang nagpadaug kaniya.
Gikadugang pa niini nga kaniadtong election ginakampanya gayud sa KAPA ug ALAMCCO si Salarda ug mga kauban nga opisyal tungod madunggan sa mga nag pay in ug nag pay out.
Lakip matud pa sa pasalig nga dili musirado ang mga investment scam.
