GENERAL SANTOS CITY – Gituman sa bag-ong labaw sa DA-12 executive regional director Roberto Perales nga magpabilin nga proactive dili lamang sa paghatag ug agronomical support sa mga mag-uuma apan lakip sa pagpalig-on sa inland fishing bisan pa sa mga lagyo ug hilit nga mga lugar.
Kini ang programa sa Department of Agriculture kalabutan ang Integrated Farming System nga kombinasyon sa pagpananum ug root crops nga gi integrate sa inland fisheries kon tilapia culture.
Matud ni Director Perales nga usa ka programa sa ahensiya ang pakiglambigit sa Bureau of Fisheries and Aquatic Resources aron ipresenta ang integrated farming.
Gani nanghatag ug libre nga feeds, tilapia fingerlings ug technical support ang Department of Agriculture 12 aron maawhag ang daghang mag-uuma aron madugangan ang kita.
Una ng gikumpirma ni Malungon Municipal Agriculturist Atty. King Lloyd Abelado ang pakigtambayayong sa Department of Agriculture alang sa 270 ka benificiaries alang sa tilapia ug hito production.
Matud niini nakapundar na ug setenta ka ektarya nga fishpond sa lugar.
