SARANGANI – Kasamtangang ginaimbestigahan sa Malapatan MPS ang natigayon nga pag pusil sa usa ka lalaki samtang ga maneho kini saiyang gisakyan nga motorsiklo sa Prk. Marina, Brgy.Tuyan, Malapatan, Sarangani Province alas 3:25 kagahapong adlawa, hunyo 3, 2023.
Base sa inisyal nga imbestigasyon nga gipahigayon sa kapulisan sa Malapatan Police station, ang biktima ang giila nga si Edgar Lacno, 50 anyos, biyudo ug residente sa Prk. A, Brgy. Poblacion, Malapatan, Sarangani Province.
Dugang pa nga samtang nagmaneho ang biktima sa iyang motorsiklo adunay sidecar nga gikargahan og daghang mga softdrinks ug ilimnong makahubog sa National Highway sa nahisgutang lugar, ang kalit kining gipusil sa makadaghang higayon sa wala mailhing suspek gamit ang cal. 45 nga pistola nga miresulta sa daghang samad pinusilan sa nagkadaiyang parte sa iyang lawas.
Ang suspek ang daling nakasibat paingon sa wala matinong direksyon.
Samtang ang biktima ang gidala gilayon sa labing duol nga balay tambalanan alang sa medikasyon. Apan gideklara nga dead on arival sa mga attending physician.
Human sa nahitabong insidente gi-establisar dayon ang Lock down protocol ug nagpadayon ang hot pursuit operation.
