GENERAL SANTOS CITY – Padayon nga gina imbestigahan sa Malapatan Fire station ang sinugdanan sa sunog nga milamoy sa onse ka classroom sa Lun Padidu Elementary School.
Gibalikan sa mga arson investigator ang lugar samtang temporaryo nga gipasiradhan ang dapit aron dili mabalda ang gihimo nga pagsusi.
Kini luyo nga daghan ang miadto sa lugar aron magsusi human nahitabo ang sunog pasado alas dyes sa gabii.
Mukapin baynte kwatro oras na ang nakalabay dihang kalit misilaob ang mga classroom human mipadangat ug taho sa Bureau of Fire protection si Diale Fernandez ang guardiya sa Lun Padidu National High School nga unang nakakita sa kalayo.
Gilayon usab nagresponde ang firetruck apan tungod dako na ang kalayo sa lugar nakaabut pa sa second alarm status ang sunog hinungdan nga apil nagresponde ang firetruck gikan sa Alabel Fire station.
