Magsugod na karong adlaw nga Miyerkules, Agusto 14, ang transport group nga Manibela sa ilang tulo ka adlaw nga transport strike
Matud ni Mar Valbuena, presidente sa Manibela, ang ilang mga miyembro sa nagkadaiyang bahin sa nasud ang magprotesta usab batok sa baruganan ni President Ferdinand Marcos Jr. nga iimplementa gayud ang Public Transport Modernization Program (PTMP).
Lakip sa gikanayon ni Balbuena nga muapil sa transport strike mao ang Baguio, Pangasinan, Central Luzon, Ilagan kag Cauayan sa Isabela, CALABARZON, Western Visayas,Cebu, Lapu Lapu, Ormoc, Tacloban, Catbalogan, Iligan Butuan, Cagayan de Oro City, Sarangani og Davao City.
Nakig-alayon usab ang Manibela sa mga lider sa transport group nga Piston nga nag-anunsyo usab sa ilang pag-ugyon sa strike.
Ang transport strike mulongtad hangtod sa Agusto 16.
Kahibaluan nga adunay giduso nga Senate Resolution 1096 nga pirmado sa 22 sa 23 senators kung asa giduso ang temporaryo nga suspensyon sa implementasyon sa transport modernization program apan wala gipaminaw ni Marcos ang maong resolusyon og miinsister nga ipadayon ang modernisasyon.
Base sa record sa Department of Transportation (DOTr), anaa na sa 81.11% o 155,513 sa 191,730 PUV units ang naka-consolidate na as of May og 36,217 usab ang nagpabilin nga unconsolidated.
