Gipirmahan ni Pangulong Ferdinand Marcos Jr., karong adlawa ang Republic Act 12021 o Magna Carta of Filipino Seafarers Law aron mahimong hingpit nga balaod.
Ang ceremonial signing sa Magna Carta of Filipino Seafarers gipahigayon sa Ceremonial Hall sa Palasyo sa Malakanyang.
Kahinumduman nga gisertipikahan ni Pangulong Marcos ang Magna Carta of Filipino Seafarers isip urgent measure kaniadtong Setyembre sa miaging tuig.
Gipaklaro sa Magna Carta ang papel sa mga ahensya sa gobyerno og stakeholders aron makab-ot ang tumong aron igarantiya ang “accountability, efficiency, og clarity” alang sa proteksyon sa mga seafarers.
Maproteksyunan usab niini ang seafarers gikan sa peligrosong aksyon og bahad sa ilang panginabuhian sama sa “ambulance chasing.”
Sa pikas bahin, gibutyag usab ni Senate President Francis “Chiz” Escudero nga ang bag-ong gipirmahan nga balaud aron ihingusosg ang katungod sa seafarers.
Hatagan usab sa balaud ang Filipino seafarers og katungod sa luwas nga paglusot og byahe, konsultasyon, libreng legal nga representasyon, hinanaling medikal nga atensyon, access sa komunikasyon, record o sertipikasyon sa panarbaho, patas nga pagtratar sa higayon nga adunay mga dili maayong mahitabo samtang anaa sa ilang trabaho.
